標題:
60*32*38cm,瀘水同燈問題?
發問:
魚缸60*32*38cm,泥底加基肥/cf-600桶瀘(瀘棉+AA六角型生物環+生物棉)/T5燈14*2一白一藍管/150w暖管.問題如下? 1)過瀘夠唔夠力?(有無需要,增加或改變?) 2)燈唔夠力!(T5HO,T8,鹵索燈,邊種好?)本人想買鹵索燈,因為一支鹵索燈都係七百,我知道好熱!鹵索燈有無其它問題? 3)如果唔買鹵索燈,買乜燈好?(T5HO'T8,幾多W*管好呀?
最佳解答:
１．草缸過濾要做到水流均勻，希望有死位，減少爆藻。我地多數都會要求濾桶流量達到至少魚缸容量七八倍，即係一小時做到七八個循環（減左濾材同垃圾阻水可能都係得返四五倍）。你個缸約７３升水，而 atman cf600 流量740L/H，照計夠有餘，我反為擔心出水勁到你個缸打大風。 你可以將出水換加左鑽孔o既雨淋管，向玻璃射水，甚至分開兩條雨淋管，都可以減弱出水力度。 ２／３．種草用o既都係白燈，色溫 6400-8000k，藍白管我地避之則吉，因為前人經驗佢都係爆藻元兇。但你買燈時，多數都跟一白一藍，色溫往往係 13000k（另一爆藻原因）。要換啦。 揀燈管最主要睇水深。以你個缸，減泥底厚度同水位唔到缸邊，一尺水深，T5 都應該夠穿透力去到水底，T5HO 亦無不可。 問題係，如果你種陽草，1L 水要用到 1W 燈，先俾到足夠光能ｄ草。你個缸 73L，而燈得 28W，所以「唔夠力」囉。注意，夠唔夠力呢個說法太含糊，你家陣係穿透力夠（揀o岩類型）而火數不足，應該換燈或加燈去砌夠數。 燈唔係「勁」就好，T5HO 或鹵素燈無疑穿透力強，但代價係熱，即係用電多左。一個幾毫你可能無計，但係環保ｄ好。 鹵素燈另一唔好處，係光源集中o係一點，缸o既兩邊就比較弱，所以草可能會彎向中間生。用光管就可以覆蓋成個泥面。真係要用的話，燈要吊高ｄ，一來減熱，二來令光源較為垂直向下，而且用 75W 好啦。 回應樓上一句：（早晨 圖片參考：http://tw.yimg.com/i/tw/ugc/rte/smiley_4.gif ）要求高o既草友，１８寸水已經用到鹵仔，事實上，我個缸水深近廿寸，用ｔ５ｈｏ，去到泥面前景草已經追光啦。
此文章來自奇摩知識+如有不便請留言告知
其他解答:
cf-600 - 流量:740L/h 魚缸既水容量 - 大約 72L 呢個係濾桶, 而濾桶既濾水能力係最高~ 所以應該夠晒力嫁啦, 唔駛改變~ 燈： 視乎水深同草種，陽草水深１８”以上建議用鹵素燈，但電費同水冷機會增加 budget； 淺ｄ可用 t5ho / PL / T5，價錢視長度、火數而定； 陰草要求低好多。鹵仔要過千，ｔ５ｈｏ一千以下 一般鹵索燈應離水面約10吋 高為之正常 例如你係 30" 缸, 得一枝鹵索燈，咁就要吊高少少先可以照得晒成個缸 另外, 鹵索燈一用耐左d, 佢既光度就會開始減弱, 果時可能要換~ 用ＬＥＤ燈做魚缸燈當然可以啦。 做到好似响海底咁都可以。 要有海浪時閃爍既效果須加一架水泵，部份時光時陰都可以，同時要分日夜都得 (from: http://hk.knowledge.yahoo.com/question/?qid=7008011004089 ) 你不妨試試~|||||1)問返你個魚缸有幾多水先 基本上過濾器既流量有魚缸水量10倍的話,都已經足夠 2,3)你個缸都唔算太高 要養草的話,用T5HO好D (因為佢細支好多可以加多幾支,輸出率又高) 不過想養魚多過養草的話T5一白一紫都ok (如果養紅蓮燈用紫色睇落去會靚D) 個魚缸太細,鹵仔燈幫你做埋暖管都得... 我就唔建議用鹵素燈 (用鹵素燈水深有2呎高先好考慮) 2008-06-08 16:41:35 補充： 濾桶既過濾能力唔可以話係最高,濾桶只係養菌量高 再細分,會分"物理 同 生物" 就物理過濾黎講,我用緊頂濾覺得比濾桶好~
留言列表
