中國的裝甲戰術如何-－hzb53jl55v的部落格

標題:

此文章來自奇摩知識+如有不便請留言告知

中國的裝甲戰術如何?

發問:

好似好差因為睇番歷史自二戰後冇咩戰術可言(二戰時都俾日本人打到不似人形) 和中越戰爭都說越南一支RPG-2可以KO幾架中國62式中國的裝甲戰術是不是"糟透"?

最佳解答:

坦白講，小弟對中國裝甲部隊既指標及作戰唔熟悉，所以本來我唔唸住回應炮兵兄呢條問題。但關於炮兵兄問題內容入面提到既野，小弟有啲野想講。首先炮兵兄話二戰國軍比日軍打到一仆一碌基本上係事實，但炮兵兄想講既係一般國軍定係國軍裝甲部隊比日軍打到殘﹖如果係前者我好認同，但後者就唔係事實。國軍後期係美國強力支援之下已經有裝備現代化M4雪曼坦克既裝甲部隊，日本仔既鐵皮玩具坦克根本無得打。而且，日軍係欺善怕惡部隊，受軟唔受硬，一遇到較強既敵軍部隊即係軟晒。一般國軍部隊的確唔夠日軍打，但抗戰初期老蔣手下幾個嫡系部隊師，後期孫立人上將既新一軍及七十四軍等都係能征慣戰既部隊，日軍對住佢地輸多贏少。至於62式的確係比越南用RPG打到一仆一碌。據維基講，中國係中越戰爭用左200架62式，有一半被打到殘廢，但係我覺得一啲都唔出奇。首先RPG既威力一啲都唔野小，原來連出名裝甲厚既挑戰者2型坦克都比RPG擊穿過正面裝甲，但就無造成重要既傷害。坦克既正面裝甲原本用來硬食敵軍大威力穿甲彈，咁都穿透得，就証明RPG的確犀利。另外，62式講到明係輕坦克，輕成點﹖佢既正面裝甲只有35mm，甚至炮塔正面都只有50mm！而且仲肯定只係均質鋼裝甲！呢個裝甲厚度同品質只係二戰德軍3號戰車既水平！而係人都知3號戰車係德軍都唔算係一架先進既坦克，可見當時62式真係一架好落後既坦克，真係搵乜打佢都會一招KO。但係，呢個只係中國早期坦克既質素唔得，但同裝甲戰術應該無關。至於中國既裝甲戰術，小弟估計都唔會好得去邊。首先解放軍從來無大規模使用裝甲部隊既傳統，亦無特別成功既案例。而且，小弟睇近年中國既演習亦見唔到有師級規模既大型裝甲部隊演習，我見過既最多去到團級。雖然搞一次師級裝甲部隊演習極度困難，人力物力消耗嚴重，但我認為如果中國真係重視裝甲部隊既，起碼都要隔兩、三年搞一次咁既演習，我唸如果真打，中國裝甲部隊既表現應該唔會好好。

其他解答:

你好, 我對中國的裝甲戰術抱中立態度, 跟據wekipedia 62式輕型坦克是1950年代後期，中國解放軍要求研製出輕型坦克以應付南部地區的惡劣路面中國解放軍在1979年中越戰爭中在越南部署62式輕型坦克，但62式薄弱的裝甲容易被手持反坦克武器（如40毫米RPG）射穿。大量的62式輕型坦克在戰場上受到嚴重損失，亦令解放軍決定開發第二代主戰坦克。我覺得中國在中越戰爭的62式不功不失,功是有薄的裝甲,可增加速度,失的是如你所說它薄弱的裝甲容易被手持反坦克武器射穿。所以中國正努力發展主戰坦克。