想換個大缸(20分)－hzb53jl55v的部落格

標題:

想換個大缸(20分)

發問:

係金魚街見到個AA套缸 26吋長, 賣750元, 個缸幾靚想買, 但又唔知AA缸好唔好用,同埋個濾水器摩打曹唔曹架, 因為我擺係房度, 還是買一隻德國牌字的套缸, 價錢差唔多, 請大家比些意見我, 唔該晒

此文章來自奇摩知識+如有不便請留言告知

最佳解答:

咁要問吓你買嚟做水草缸定係做純粹養魚? 如果用嚟種水草的話套裝缸一定唔夠光, 最好選擇逐件配置如: 魚缸, 燈, 瀘水桶(因為最靜同效能最好)等, 養魚的話, 兩款各有優點, AA缸勝在夠平, 配件等容易配置, 但夀命就表現麻麻, 我舊年買咗個40吋缸, 唔夠兩星期個水泵摩打就燒咗, 當時我仲係用緊原裝濾材, 未有任何改動, 攞番去舖頭問佢, 佢仲話我想點, 卒之只可以由原廠維修, 幾個星期後才比返我, 以為平安大吉, 但過了兩個月, 又輪到光管燒火牛, 打電話去代理, 又話上門維修要收錢, 我話有冇攪錯? 保養都未過, 佢又話除非我將魚缸頂攞去維修部, 就可以唔收錢喎.(咁都得, 擺明係明屈) 修理完以為冇事, 過多兩星期, 支燈又壞過, 搵佢嚟整, 佢夠膽話今次係接線鑼絲鬆咗, 唉! 鬼叫自己當初貪佢平咩! 冇法子喇. 好在之後一直到而家都冇事要維修. 德國牌子好就好, 但配件就唔係間間有得賣, 不過如果筆直夠的話, 當然唔係問題喇. 以上係我小小意見和經驗, 希望幫到你.

其他解答:

其實我之前去過一間係紅磡有一間叫海珊瑚水族工程既店,係郵局隔離架,機利士北路!D咸水魚(熱帶魚)好come養!仲有埋魚缸保養,我一直都叫老闆幫我做保養,技術好!推介:)老闆好有經驗,可以幫你分析魚缸大小,安裝合適過慮系統!|||||其實如果26吋缸，散買再配件會較靈活(和專業)。淨缸26吋不會太貴，另外配外置濾筒(例如EHIEM)，又或者用內置濾器(例如JUWEL)，肯定靜。到你再想upgrade的時候，轉換配搭都容易。買器材，以我的經驗，一個EHIEM濾筒用了四年，仍然強勁有力，另一個大陸出的濾筒，不到半年，泵已報廢。